نجمة صغيرة لسة مولودة من يومين في السماء
سألت نجمة كبيرة عايشة بقالها سنين في السماء:
امتى كنتي سعيدة وفرحانة أوي؟!
النجمة الكبيرة قالت للنجمة الصغيرة: «من كام سنة، كان قاعد تحتي هنا ولد وبنت، الولد هادي ورقيق، والبنت جميلة أوي، شاور الولد عليا، ساعتها كنت لسة صغيرة، رفعت البنت وشها للسماء.
كانت عيونها أجمل عيون في الدنيا، جواها ألوان ملهاش عدد، وعلى وشها ابتسامة ونور زي ضوء القمر، قال الولد للبنت: النجمة دي بتاعتنا سوى، وتحتها هنا نبني بيتنا وعشنا.. ردت البنت الجميلة على الولد: النجمة دي اسمها زي اسمي أنا، وفي يوم من الأيام راح تحكي قصتنا سوى، وتشهد على حبنا».
النجمة الصغيرة اللي لسة مولودة من يومين في السماء، طلبت من النجمة الكبيرة اللي عايشة بقالها سنين في السماء تحكي لها قصة الولد الهادي الرقيق والبنت الجميلة أوي.
النجمة الكبيرة بكت، ودموعها نزلت على الأرض غرقتها
النجمة الصغيرة سألتها: ليه بتبكي، وليه دموعك غرقت الأرض؟
مسحت النجمة الكبيرة دموعها بإيديها، واتنهدت، وقالت للنجمة الصغيرة: «لا البيت اتبنى
ولا عدى الولد والبنت في يوم تاني من هنا، كأنهم نسيوا لون السماء، والنجمة اللي كانت فوقهم هنا من كام سنة».
سألت نجمة كبيرة عايشة بقالها سنين في السماء:
امتى كنتي سعيدة وفرحانة أوي؟!
النجمة الكبيرة قالت للنجمة الصغيرة: «من كام سنة، كان قاعد تحتي هنا ولد وبنت، الولد هادي ورقيق، والبنت جميلة أوي، شاور الولد عليا، ساعتها كنت لسة صغيرة، رفعت البنت وشها للسماء.
كانت عيونها أجمل عيون في الدنيا، جواها ألوان ملهاش عدد، وعلى وشها ابتسامة ونور زي ضوء القمر، قال الولد للبنت: النجمة دي بتاعتنا سوى، وتحتها هنا نبني بيتنا وعشنا.. ردت البنت الجميلة على الولد: النجمة دي اسمها زي اسمي أنا، وفي يوم من الأيام راح تحكي قصتنا سوى، وتشهد على حبنا».
النجمة الصغيرة اللي لسة مولودة من يومين في السماء، طلبت من النجمة الكبيرة اللي عايشة بقالها سنين في السماء تحكي لها قصة الولد الهادي الرقيق والبنت الجميلة أوي.
النجمة الكبيرة بكت، ودموعها نزلت على الأرض غرقتها
النجمة الصغيرة سألتها: ليه بتبكي، وليه دموعك غرقت الأرض؟
مسحت النجمة الكبيرة دموعها بإيديها، واتنهدت، وقالت للنجمة الصغيرة: «لا البيت اتبنى
ولا عدى الولد والبنت في يوم تاني من هنا، كأنهم نسيوا لون السماء، والنجمة اللي كانت فوقهم هنا من كام سنة».
إرسال تعليق