أما انفردت بقضية نائب القمار، ونشرت خبر بعنوان: "«المصرى اليوم» تنشر تفاصيل قضية «نائب القمار».. والنيابة تنتظر طلب رفع الحصانة".
لينك الخبر: https://today.almasryalyoum.com/article2.aspx…
بمجرد ما الجورنال نزل السوق، اتصل بيا نائب الحزب الوطني "ياسر صلاح"، ومعرفش جاب رقمي منين، ودار بينا الحوار ده:
* مساء الخير يا أستاذ فاروق
ـ مساء النور
* أنا ياسر صلاح عضو مجلس الشعب
ـ أهلا وسهلا بيك يا سيادة النائب
* ايه يا أستاذ الخبر المنشور عني النهاردة في المصري اليوم ده (بنبرة لطيفة وكأننا أصحاب بنتعاتب).
ـ في أي معلومة خطأ في الخبر يا أفندم
* الخبر كله غلط، وأنا عاوز أقابلك النهاردة (حسيت أنه هيعرض عليا رشوة أو بيرتب لحاجة مش مريحة)
ـ معلش مش هقدر.. بس حضرتك ليك "حق الرد"
* لا لا أنا عاوز أشوفك وتشرفني في مكتبي.. بص هبعت لك العربية الساعة 8 مساء تاخدك من أي مكان
ـ أنا أسف والله مش هقدر.. عندي ميعاد مع خطيبتي النهاردة في نفس التوقيت (وده كلام حقيقي مش بتهرب منه)
* يا سيدي اعتذر لها
ـ أنا أسف جدا والله، بس دي الشخص الوحيد اللي مقدرش أعتذر له، بس أنا بأكد تاني لحضرتك إن ليك حق الرد، وأنا في ايدي ورقة وقلم أهو وهكتب وراك كل كلمة تقولها، وأتعهد بنشرها في الجورنال.
* طيب وبدأت أكتب وراه.
______________________
وبالفعل نشرت رده في الخبر ده بعنوان: "النائب المتهم بـ«القمار»: أنا مش «قمارتى» ولا أملك جواز سفر «غينى».. والضابط: النائب وصديقه كانا يمارسان «اللعب»
بس ضيفت ليه، تحقيقات النيابة مع الضابط اللي حرر المحضر، وأقوال صديقه في النيابة، اللي اتضح بعد كده إنه "بن خالته".
لينك الخبر: https://today.almasryalyoum.com/article2.aspx…
ـــــــــــــــــــــــــــــــــــــــــــــــــــــــــــــ
وبعدها بكام يوم انفردت بنشر الخبر ده علشان يخرس خالص وميقولش إن الخبر غلط تاني: «المصري اليوم» تنشر لقطات من «سى دى» نائب «الوطنى» المتهم بـ«ممارسة القمار»..ولقطات تظهرالنائب داخل الكازينو يجلس على إحدى طاولات اللعب
لينك الخبر: https://today.almasryalyoum.com/article.aspx…
ـــــــــــــــــــــــــــــــــــــــــــــــــــــــــــــــ
وبعدها بيوم انفردت بنشر صور جوازات السفر المزيفة في الخبر ده: «المصرى اليوم» تنشر صورة جواز السفر المزور لنائب «الوطنى» المتهم بممارسة القمار
لينك الخبر: https://today.almasryalyoum.com/article2.aspx…
ــــــــــــــــــــــــــــــــــــــــــــــــــــــــــــــــ
وفضلت أتابع في القضية:
* النيابة تتلقى موافقة مجلس الشعب على رفع الحصانة عن «نائب القمار» وتستعد لاستدعائه للتحقيق https://today.almasryalyoum.com/article2.aspx…
* «نائب القمار» ينفى أمام النيابة جميع الاتهامات https://today.almasryalyoum.com/article2.aspx…
* النيابة تتهم «نائب القمار» باللعب وتزوير صورة الجواز الغينى https://today.almasryalyoum.com/article2.aspx…
* محاكمة «نائب القمار» وصديقه أمام «جنح قصر النيل» السبت https://today.almasryalyoum.com/article2.aspx…
وبعد ما سلمته للمحكمة، زميل اخر تابع القضية في المحكمة
** ايه الهدف من الحكاية دي، ولا أي حاجة لقيت نفسي فاضي، فقولت أتسلى 😂😂
مرفق فيديو دخوله صالة القمار وجلوسه على ترابيزة اللعب وممارسة لعبة القمار
إرسال تعليق